ਜਗਰਾਉਂ, 28 ਮਾਰਚ —(ਦਿਨੇਸ਼ ਸ਼ਰਮਾ/ਸੋਨੀ ਸ਼ੇਰਪੁਰੀ) ਲੁਧਿਆਣਾ ਦਿਹਾਤੀ ਪੁਲਿਸ ਵਿਭਾਗ ਵਿੱਚ ਪ੍ਰਸ਼ਾਸਕੀ ਤਬਦੀਲੀਆਂ ਦਾ ਸਿਲਸਿਲਾ ਜਾਰੀ ਹੈ। ਸੀਨੀਅਰ ਕਪਤਾਨ ਪੁਲਿਸ (SSP) ਦਿਹਾਤੀ ਵੱਲੋਂ ਅੱਜ ਇੱਕ ਹੋਰ ਹੁਕਮ ਜਾਰੀ ਕਰਦੇ ਹੋਏ 10 ਪੁਲਿਸ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀ ਤਾਇਨਾਤੀ ਵਿੱਚ ਤੁਰੰਤ ਪ੍ਰਭਾਵ ਨਾਲ ਬਦਲਾਅ ਕੀਤਾ ਗਿਆ ਹੈ।
ਇਹ ਤਬਾਦਲੇ ਵਿਭਾਗੀ ਕਾਰਗੁਜ਼ਾਰੀ ਨੂੰ ਹੋਰ ਮਜ਼ਬੂਤ ਕਰਨ, ਜਾਂਚ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਅਤੇ ਮੈਦਾਨੀ ਪੱਧਰ ‘ਤੇ ਕਾਨੂੰਨ-ਵਿਵਸਥਾ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਦੇ ਮੱਦੇਨਜ਼ਰ ਕੀਤੇ ਗਏ ਹਨ।
ਸੂਚੀ ਵਿੱਚ SI, ASI ਅਤੇ ਕਾਂਸਟੇਬਲ ਰੈਂਕ ਦੇ ਅਧਿਕਾਰੀ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਪੁਲਿਸ ਲਾਈਨ, ਥਾਣਾ ਦਾਖਾ, ਚੌਕੀ ਗਾਲਿਬ ਕਲਾਂ, ਸਾਈਬਰ ਸੈੱਲ ਅਤੇ CCTNS ਵਰਗੀਆਂ ਮਹੱਤਵਪੂਰਨ ਯੂਨਿਟਾਂ ਵਿੱਚ ਨਵੀਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ।
ਖਾਸ ਤੌਰ ‘ਤੇ ਕੁਝ ਅਧਿਕਾਰੀਆਂ ਨੂੰ ਇਨਵੈਸਟਿਗੇਸ਼ਨ ਯੂਨਿਟਾਂ ਤੋਂ ਫੀਲਡ ਡਿਊਟੀ ‘ਤੇ ਅਤੇ ਕਈਆਂ ਨੂੰ ਫੀਲਡ ਤੋਂ ਸਪੈਸ਼ਲਾਈਜ਼ਡ ਯੂਨਿਟਾਂ ਵਿੱਚ ਤਬਦੀਲ ਕੀਤਾ ਗਿਆ ਹੈ, ਜਿਸ ਨਾਲ ਪੁਲਿਸ ਪ੍ਰਣਾਲੀ ਵਿੱਚ ਬੈਲੈਂਸ ਅਤੇ ਦੱਖਲ ਨੂੰ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਅਧਿਕਾਰਕ ਹੁਕਮਾਂ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਸਾਰੇ ਸੰਬੰਧਿਤ ਅਧਿਕਾਰੀ ਤੁਰੰਤ ਆਪਣੀ ਨਵੀਂ ਤਾਇਨਾਤੀ ਵਾਲੀ ਜਗ੍ਹਾ ‘ਤੇ ਹਾਜ਼ਰ ਹੋਣ ਅਤੇ ਡਿਊਟੀ ਸੰਭਾਲਣ। ਉੱਚ ਅਧਿਕਾਰੀਆਂ ਨੂੰ ਵੀ ਇਹ ਯਕੀਨੀ ਬਣਾਉਣ ਲਈ ਕਿਹਾ ਗਿਆ ਹੈ ਕਿ ਹੁਕਮਾਂ ਦੀ ਪਾਲਣਾ ਵਿੱਚ ਕੋਈ ਦੇਰੀ ਨਾ ਹੋਵੇ।
ਪੁਲਿਸ ਮਹਿਕਮੇ ਵਿੱਚ ਲਗਾਤਾਰ ਹੋ ਰਹੀਆਂ ਇਹ ਤਬਦੀਲੀਆਂ ਦਰਸਾਉਂਦੀਆਂ ਹਨ ਕਿ ਪ੍ਰਸ਼ਾਸਨ ਵੱਲੋਂ ਕਾਰਗੁਜ਼ਾਰੀ ਅਤੇ ਜਵਾਬਦੇਹੀ ਨੂੰ ਹੋਰ ਮਜ਼ਬੂਤ ਕਰਨ ਲਈ ਗੰਭੀਰ ਯਤਨ ਕੀਤੇ ਜਾ ਰਹੇ ਹਨ।
ਕੌਣ ਕਿੱਥੋਂ ਕਿੱਥੇ ਤਬਦੀਲ ਹੋਇਆ:
1-SI ਕਿਰਨਦੀਪ ਕੌਰ (20/LR) ਪੁਲਿਸ ਲਾਈਨ, ਲੁਧਿਆਣਾ (ਦਿਹਾਤੀ) ➝ ਇੰਚਾਰਜ HRC & FRO, ਲੁਧਿਆਣਾ (ਦਿਹਾਤੀ)
2-SI ਸੁਰਜੀਤ ਸਿੰਘ (53/Moga) ਵਧੀਕ ਮੁੱਖ ਅਫਸਰ, ਥਾਣਾ ਦਾਖਾ ➝ ਇੰਚਾਰਜ ਚੌਕੀ ਬੱਸ ਸਟੈਂਡ, ਜਗਰਾਓਂ
3-ASI ਸੁਖਮੰਦਰ ਸਿੰਘ (627/Ldh-R) ਪੁਲਿਸ ਲਾਈਨ, ਲੁਧਿਆਣਾ (ਦਿਹਾਤੀ) ➝ ਥਾਣਾ ਦਾਖਾ
4-ASI/LR ਸੁਰਿੰਦਰ ਸਿੰਘ (40/Ldh-R) ਥਾਣਾ ਦਾਖਾ ➝ ਚੌਕੀ ਇੰਚਾਰਜ, ਗਾਲਿਬ ਕਲਾਂ
5-ASI/LR ਜਗਰੂਪ ਸਿੰਘ (750/Ldh-R) ਚੌਕੀ ਇੰਚਾਰਜ, ਗਾਲਿਬ ਕਲਾਂ ➝ ਥਾਣਾ ਸਾਈਬਰ ਕਰਾਈਮ, ਲੁਧਿਆਣਾ (ਦਿਹਾਤੀ)
6-ASI/LR ਹਰਜੀਤ ਸਿੰਘ (86/Ldh-R) ਥਾਣਾ ਸਾਈਬਰ ਕਰਾਈਮ, ਲੁਧਿਆਣਾ (ਦਿਹਾਤੀ) ➝ ਥਾਣਾ ਦਾਖਾ
7-S/CT ਜਸਪ੍ਰੀਤ ਸਿੰਘ (192/Ldh-R) CCTNS ਅਪਰੇਟਰ, ਥਾਣਾ ਸਿਟੀ ਰਾਏਕੋਟ ➝ ਅਪਰੇਟਰ, ਸਿਕਾਇਤ ਸਾਖਾ
8-S/CT ਜਸਵੀਰ ਸਿੰਘ (868/Ldh-R) ਅਪਰੇਟਰ, ਸਿਕਾਇਤ ਸਾਖਾ ➝ CCTNS ਅਪਰੇਟਰ, ਥਾਣਾ ਸਿਟੀ ਰਾਏਕੋਟ
9-CT ਪ੍ਰਭਦੀਪ ਸਿੰਘ (426/Ldh-R) ਥਾਣਾ ਸਿਟੀ ਜਗਰਾਓਂ ➝ ਚੌਕੀ ਭੂੰਦੜੀ
10-CT ਸਤਨਾਮ ਸਿੰਘ (213/Ldh-R) ਚੌਕੀ ਭੂੰਦੜੀ ➝ ਥਾਣਾ ਸਿਟੀ ਜਗਰਾਓਂ
ਨੋਟ :-ਉਪਰੋਕਤ ਤਬਾਦਲੇ ਅਧਿਕਾਰਕ ਹੁਕਮਾਂ ਦੇ ਆਧਾਰ ‘ਤੇ ਦਰਜ ਕੀਤੇ ਗਏ ਹਨ। ਕਿਸੇ ਵੀ ਤਰ੍ਹਾਂ ਦੀ ਪ੍ਰਸ਼ਾਸਕੀ ਤਬਦੀਲੀ ਵਿਭਾਗੀ ਜ਼ਰੂਰਤਾਂ ਦੇ ਅਧੀਨ ਹੁੰਦੀ ਹੈ।
